నీ కోసం

నన్ను నిశీధి వలయంలో వదిలేసి 
ఆశల చట్రంలో బిగించేసి
ఎక్కడికి వెళ్ళిపోయావు ప్రియతమా? 
సముద్రాల అవతలకి
నాజీ నాయకులదగ్గరికి
మళ్ళీ మళ్ళీ చూడాలనిపించాలన్నా చూడలేని చోటికి ఎందుకు వెళ్ళిపోయావ్ నేస్తమా? 
నీ అక్షరాలను తడిమి చూస్తున్నప్పుడు
 అవి నా గుండెల్లో శిలాఫలకాలు గా మారి నా గుండె బరువుని పెంచుతున్నాయి.
నీ పెదవుల తడి గుర్తుకొస్తున్నప్పుడు నా పెదవులు తడారిపోతున్నాయి
నీ కళ్ళ చురుకు చూపు స్పురించినపుడు
నా కలలు ఆవిష్కౄతమవుతున్నాయి
నీ ఙ్ఞాపకాల తుఫాను చుట్టుముట్టి నన్ను విధి సంద్రంలో ముంచక మునుపే
నీ పలకరింతల పన్నీరు జల్లు ప్రళయమై నన్ను చంపకమునుపే   
నీ కౌగిలిలోకి నన్ను తీసుకుని
నీ పయ్యదపై నన్ను చేర్చుకుని
రక్షించవా ప్రియతమా
నీకోసం ఇక్కడే ఎదురు చూస్తాను
నీవు రాకపోతే కాలపు కర్కశత్వానికి కాష్ఠమై కాలిపోతాను

ప్రియాంక కి ఆరాధనతో..................................................జ్వాల

శ్వేత సౌధం పై మరో నెత్తుటి మరక

గడాఫీ ని కుక్కని కాల్చినట్టు కాల్చి చంపారు- - - పేపర్లలోనూ,టి.వి.లలోనూ ఈ న్యూస్ చూసి ,ఫేస్ బుక్ లలో లైక్ లూ,డిస్లైక్ లూ చూసి చూసి నాకు నవ్వలో యేడవాలో అర్థం కావడం లేదు.గడాఫీ కి మనకి యేమాత్రం సంబంధం లేదు కాని మనం విశ్వమానవులం  కాబట్టీ, ప్రపంచంలో మనకి అక్కరలేని సంగతి లేదు కాబట్టి మనం అన్ని విషయాలూ పట్టించుకుంటాం కాబట్టి ఇది కూడా మనకి కావాలి. ఒ.కె బానే వుంది.కాని అమెరికా చంపిన గదాఫీగురించే మనకి కావలి కాని, దానికి  కారణం ఇవెవి మనకి అవసరం లేదు.గడాఫీ నిరంకుశత్వం  వల్ల ఆ దేశ ప్రజాలు ఇలా  చెసి వుంటే  అందులో తప్పుపట్టాల్సిన విషయం యేమి కనబడదు.  కాని అమెరికా కు అక్కడ యెం పని, ప్రపంచంలో ప్రజాస్వమ్యన్ని  పనిగట్టుకు వుద్దరించే అమెరికా కు ఒరిగే లాభం ఏంటి?  
అరబ్ దేశాల  మీద అమెరికాకు   అలవిమాలిన ప్రేమ అక్కడ వున్న ఆయిల్ బావుల మీద.  అందుకే  అక్కడేం జరిగినా,  జరుగుతున్నా  వేరెదేశం   జొక్యం ఎక్కువై తనకి రావల్సిన పేరు దానితో పాటు  ఆయిల్ బావులు పోతాయనిపించిన అమెరికా అక్కడవాలిపోతుంది.  చక్కగ అక్కడ ప్రజస్వామ్యన్ని పునరుద్దరించేస్తుంది. మొన్న చంపిన సద్దాం  గాని ,ఇవల చంపిన గడాఫీ గాని అమెరికా పెంచి పోషించిన వేటకుక్కలు కారా? ఇప్పుడు అమెరికా చెతిని  అవే  వెటకుక్కలు కరిచెసరికి ఎక్కడలేని బాధ్యత గుర్తుకువచ్చెసింది
కొసమెరుపు ఎంటంటే తొటి జీవుల మీద ఎంతో జీవకారుణ్యం  కలిగిన  మనవాళ్ళు తమ పెంపుడు కుక్కల్ని వొళ్ళొకూర్చొపెట్టుకుని,గదాఫీని  అతిదారుణం గా చంపడాన్ని చూసి ఎంత చక్కగా ఆనందించారో   (యూట్యూబుల్లో చూసి) ఇటువంటి దయార్ద్రహ్రుదయులకు జోహార్లు--జ్వాల   

సిరివెన్నెల

సిరివెన్నెల మూవీ పై నవతరంగం లో నేను రాసిన సమీక్ష

http://navatarangam.com/2011/09/kv-sirivennela/

"కోతి మరియు దాని తోక"

అనగనగా ఒక అడవి.అడవన్నాక కోతులుంటాయి కదా.కోతులూ వుంతాయి,కొండముచ్చులూ వుంటాయి,చింపాజీ లూ వుంటాయి.ఇలా వున్న ఆ అడవిలోకి ఒకసారి పక్క అడవినుంచి ఓ కోతి వచ్చింది.ఈ అడవిలోని కోతుల్ని చూసి అది చాలా బాధపడిపోయింది.ఈర్ష్య పడిపోయింది.దేవుడు దానికేదొ పెద్ద అపకారం చేసినట్టు ఫీలై పోయింది.ఇంతకీ దాని అసూయకి ,బాధకి కారణం ఏమిటంటే ఈ అడవిలో కోతులకి తోకలున్నాయి,దీనికి లేదు.అందులోనూ అవి మామూలు తోకలా పెద్ద పెద్ద తోకలు ,బలమైన తోకలు,ఇంపైన తోకలు.దెబ్బతో దానికి దేవుడి మీద చాల కోపం వచ్చింది నిలబెట్టి కడిగేయలనుకుంది,దేవుడున్నడా అనుకుంది వుంటె చూస్తున్నాడా అనుకుంది(ఈ దేవుడు డైలాగులన్ని నావి కాదందోయ్,మీకు ఈ డౌటు వచ్చిందంటే మీరు ఈ మధ్య తెలుగు పేపర్లు చదవడం లేదనే లెక్క!) కాని దేవుడు,  మిడిల్ క్లాస్ మనిషికి సొంతింటి కల లాగా అందని విషయం కాబట్టి ఆ ప్రయత్నం మానుకుని తనే సొంతం గా ఆలోచించడం మొదలెట్టింది.ఎంతయినా కోతి తెలివితేటలు కదా! అడవంతా కలియతిరిగి కొన్ని ఆకులు మరికొన్ని వేళ్ళూ తెచ్చుకుని తనే ఒక తోక అల్లుకుంది.తుమ్మ జిగురో మరి ఇంకోటేదో తెచ్చుకుని(మరదే! అలా చూస్తారేంటి,అడవిలో ఫెవికాల్ దొరకుద్దా?) దాని వెనకాల అతికించుకుంది (వెనకాలంటె  ఎక్కడో మీకు తెలుసు ఎందుకంటే మీరు కూడా ఆంధ్ర ప్రదేశ్ జనాల లాగా ఇంటెలిజెంట్స్ అని నాకు తెలుసు.చంద్రబాబు గారి ఆస్తులు 39 కోట్లంటె తలక్కయలు వూపేసిన వాళ్ళూ ఇంటెలిగెంట్స్ కాక మరేంటి).సున్నమో, బూడిదో తెచ్చుకుని తోకకు పాముకుని అదినిజమైన తోకలా కనబడ్డానికి ట్రై చేసింది.దానికి వచ్చిన కొత్త తోకని చూసుకుని మురిసిపోయింది.ఊర్లో వీర విహారానికి బయల్దేరింది.కనబడిన ప్రతీ దానికి దీని తోకని చూపించడం మొదలెట్టింది.నిజం గా తోకలున్న కోతులు ఎప్పటిలానె మాములుగా వుంటె ఇదిమాత్రం దాని ముఖానికన్న ముందు గా దాని తోకని చూపించుకుంటూ తిరగసాగింది.కాని అది నేచురల్ గా వున్న తోక కాదు కబట్టి,అది కూడ అంతే నేచురల్ గా నాలుగు కోతుల మధ్య ఇది గంతులేస్తున్నప్పుడు వూడిపోయింది.దాంతో ఈ కోతికి మొహం చెల్లలేదు. ఎక్కదికైనా ఈ తోకలకి దూరం గా వెళ్ళీపోయి ప్రశాంతం గా బతకాలనుకుంది ఫ్యాక్షన్ సినిమాలో హీరో లాగ.కాని తోక వుంటే వుండే మజా నే వేరు.దానికి అడవిలో దొరికే గౌరవమే వేరు.అందుకే దీనికి పరిష్కారం  ఒక్కతే అనుకుని ఎక్కడపడితే అక్కడ చెట్టుల మీద ,పుట్టల మీదా "నాకు తోక వుంది" అని రాయడం మొదలుపెట్టింది. మిగిలిన తోకవున్న కోతులన్నీ ఏమిటి విషయం అని ఆలోచించాయి.కాని కాలం చాల గొప్పది కదా అందువల్ల కొంతకాలానికి తోక వున్న కోతులన్ని ఈ తోకలేని కోతికి తోక సర్టిఫికేటు జారి చెసి వాటితో  తిప్పుకోవడం మొదలెట్టాయి. అలా కోతి దాని తోక అనే ఈ టపా ముగిసింది.ఇందులో ఆ అడవి నవనాగరిక సమాజమని,అటువంటి కోతులు మనలో చాలా వున్నాయని,ఆ తోక ఇంకెదో కాదు మనం పేరు చివర తగిలించుకునే కులం తోక అని ఎవరికైనా అనిపిస్తే అది నా తప్పు కాదు.జరిగిన సంఘటనల మీద సినిమాలు తీసి,ఈ సినిమా కేవలం కల్పితం అని రాసే రాం గోపాల్ వర్మ లాగ ,ఈ టపా కేవలం కల్పితం ఎవరిని వుద్దెసించినది కాదు అని రాయడం తప్ప నేనెమి చేయలేను,సారీ 

సప్తపది

నవతరంగం లో నేను రాసిన సప్తపది మూవీ రివ్యూ
http://navatarangam.com/2011/07/saptapadi/

స్మార్ట్ గా వుండడమంటే....

ఈ కార్పొరేట్ కల్చర్ పెరిగాక,గ్రూప్ లో పనిచేయక తప్పని పరిస్థితి.అందులోనూ రకరకాల మనుషులు.మనుషులు ఎప్పుడూ ఒకెరకమే..తిన్నామా,పడుకున్నమా, తెల్లరిందా టైపే..కాని ఈ గ్లోబలైజేషన్ వరల్డ్ లో పరిగెత్తక తప్పని పరిస్థితి.నా మానాన నేను పరిగెడతానంటే కుదరదు.పక్కవాడిని తోసి పరిగెట్టాలి.కాని ఆ తోయడం ఎల వుండాలంటే కాకతాళీయం గా నా చెయ్యొ,కాలో తగిలింది అంతే అన్నట్టుగా వుండాలి.లేదు,కాదు నువ్వు కావాలని యేదొ అడ్డుపెట్టావ్ అందుకే నే పడిపొయానని గొడవ పెట్టుకున్నవా? మటాష్ ,అందరూ నిన్నే చూస్తారు(పరుగెత్తడం మరిచిపోయి కూడ,వాళ్ళు ఎందుకు పరిగెడుతున్నారో వాళ్ళకి తెలియకపోయినా),నీదే తప్పంటారు, నలుగురితో కలవడం రాదంటారు(నీ వెనకాలె వచ్చిన పనికిమాలిన వెధవ కూడ నీకు సజెషన్స్ ఇస్తాడు)పాపం అందరూ నిన్ను దూరం పెడతారు(వాళ్ళ లాగ నీకు అవతలి వాళ్ళని ఎలా ముంచాలో తెలియదు కాబట్టి),ఆ సరికి నువ్వెదో పంచమహాపాతకాల తరువాత  ఆరో మహాపాతకం చెసినట్టు చూస్తారు. మనకేమొ మనమేమి తప్పు చేసామో తెలియని అయోమయం.కాబట్టి కార్పొరేట్ కల్చర్ లో(నేను మాటిమాటికీ కార్పొరేట్ అంటున్నానని ఇదేదొ సాప్ట్ వేర్    గొడవ అనుకోవద్దు ,ఇప్పుడు బట్టల షాపు లో కూడా ఈ కల్చర్ చూడచ్చు.) నలుగురిలో కలవడం అంటే పక్కవాడిని పళ్ళూడిపోయేలా కొట్టాలనిపించినా మనం పళ్ళికిలిస్తూకనబడ్డం. అవతలి వాడికి షేక్ హేండ్ ఇస్తూనే వాడి ఎముకలో సున్నం లేకుండా నలిపేయడం. అందుకే బద్దెన గారు ఎప్పుడో చెప్పారు(ఆయన ఎవరు అని నన్ను అడగకండి,నేను మాటిమాటికీ ఆత్మహత్య చెసుకోలేను)నొప్పించక,తానొవ్వక తప్పించుకుతిరుగువాడు ధన్యుడు సుమతి అని(సరిగ్గ మా బాస్ లాగ). కా బట్టి,కార్పొరేట్ కల్చర్ జిందాబాద్,ప్రపంచమంతా పనికిమాలిన వెధవలు అనుకునే అమెరికన్స్ జిందాబాద్.వుంటాను మరి,నాక్కూడా కమ్యూనికేషన్ కోర్సులకు వెళ్ళే టైం అయింది!

చే..కు

తను అనుకున్నట్టు గా బతికి,సామ్రాజ్యవాదం పై విప్లవ శంఖం పూరించి,చిన్న వయసులోనె తరిగిపోని కీర్తి సంపాదించి,యువత గుండెల్లో ఎప్పటికి అమరుడై నిలిచివుండే ఎర్నెస్టొ గువెరాకు..నా బ్లాగుఅంకితం